සීමා මාලකයේ පිරිත් සජ්ඣායනය

"සබ්බේ සත්තා භවන්තු සුඛිතත්තා"
සියලු සතුන් ලොව සුවපත් වෙත්වා!

ඊයේ දින රැය පහන් වන තුරු මෙත් සිතින් යුතුව සජ්ඣායනා කරන්ට යෙදුණු උතුම් කරණීයමෙත්ත සූත්‍ර පිරිත් දේශනාවෙන් රැස් වූ සියලු පුණ්‍ය ධර්මයන් මෙලෙස මෙත් සිතින් යුතුව අනුමෝදන් කරමු.

සමස්ත ලෝකවාසී ගෞරවනීය මහා සංඝරත්නයට මේ පින් අනුමෝදන් වෙත්වා! උන්වහන්සේලාට නිදුක් නීරෝගී සුවයත්, උතුම් නිවන අවබෝධ කරගැනීමට අවශ්‍ය කායික මානසික ශක්තිය නොඅඩුව ලැබේවා! මෙම පින්කම දැකබලා සතුටු වන සියලු දෙවියෝ ද මේ පින් අනුමෝදන් වෙත්වා!

සම්බුද්ධ ශාසනයේ චිරස්ථිතිය වෙනුවෙන් කැපවන, භික්ෂූන් වහන්සේලාට සිව්පසයෙන් ඇප උපකාර කරන ලෝකවාසී සියලු පින්වතුන්ට මේ පින් අනුමෝදන් වෙත්වා!

විශේෂයෙන්ම, අප ආරණ්‍ය සේනාසනයේ වැඩ වසන මහා සංඝරත්නය උදෙසා චීවර, පිණ්ඩපාත, සේනාසන, ගිලන්පස යන සිව්පසයෙන් උපකාර කළ, උපකාර කරන පින්වත් සියලු දෙනාටත්, ඒ පවුල්වල සියලු දෙනාටත් මේ පින් අනුමෝදන් වෙත්වා!

අපේ රටටත්, සමස්ත ලෝකයටත් සාමය සහ සහජීවනය උදාවේවා! සියලු දෙනා නිදුක් වෙත්වා! නීරෝගී වෙත්වා! සුවපත් වෙත්වා! චිර ජීවනය ලබත්වා! උතුම් නිවන අවබෝධ වේවා!

• පූජ්‍ය නාවලපිටියේ අරියවංශ ස්වාමීන් වහන්සේ, දම්සයුර ආරණ්‍ය සේනාසනය