දම්සයුරආරණ්ය සේනාසනය
– රත්නපුර දිස්ත්රික්කයේ, රක්වාන, මාණික්කවත්තේ සිංහරාජ වැසි වනාන්තරයට යාබදව –
නිර්මාතෘ,විහාරාධිපති සහ ප්රධාන අනුශාසක
පූජ්ය නාවලපිටියේ අරියවංශ ස්වාමීන් වහන්සේ
පූජනීය නාවලපිටියේ අරියවංශ ස්වාමීන් වහන්සේ විසින් ආරම්භ කරන ලද අප දම්සයුර ආරණ්ය සේනාසනය, බුදුරජාණන් වහන්සේගේ ශ්රී සද්ධර්මය කියාදෙන, භික්ෂූන් වහන්සේලාගේ ශාසනික ප්රතිපත්තියට ප්රමුඛත්වය ලබා දෙමින්, දෙස් විදෙස් ගිහි පින්වතුන්ගේ ආධ්යාත්මික සුවය උදෙසා විවිධ ශාසනික සේවාවන් රැසක් සිදු කරයි. මෙම වෙබ් අඩවිය එම උතුම් දහම් සේවාවේම දිගුවකි.
අපගේ ආරණ්යය...
රක්වාන, මාණික්කවත්ත ප්රදේශයේ, සිංහරාජ වැසි වනාන්තරයට යාබදව පිහිටි, රමණීය කඳු පන්ති වලින් වටවූ පෙදෙසක, සෞම්ය සිසිල් දේශගුණයක් සහිත, නිහඬ වටපිටාවක පිහිටි දම්සයුර ආරණ්ය සේනාසනය, පූජ්ය නාවලපිටියේ අරියවංශ ස්වාමීන් වහන්සේගේ මූලිකත්වයෙන් 2015 වර්ෂයේ අප්රේල් 04 දින ආරම්භ කරන ලදී.
අද වන විට මෙහි චෛත්යය, බෝධීන් වහන්සේ, විහාර ගෙය, ප්රධාන ආවාස ගොඩනැගිල්ල, ධර්මශාලාව, සීමා මාලකය, පුස්තකාලය, භික්ෂූන් වහන්සේලාට වැඩ විසීම සඳහා වෙන් වූ තනි කුටි, දානය පිළියෙල කිරීමේ ගොඩනැගිල්ල, දායක පින්වතුන් සඳහා වන නවාතැන් පහසුකම් මෙන්ම ප්රථමාධාර, වැසිකිළි, නානකාමර සහිත සනීපාරක්ෂක පහසුකම්වලින් ද ඇතුළු සියලු අංගයන්ගෙන් සමන්විත ආරණ්ය සේනාසනයකි.
භික්ෂූන් වහන්සේලාගේ ශාසනික ප්රතිපත්තියට ප්රමුඛත්වය ලබා දෙන අතරම, ප්රදේශයේ ජනතාවගේ මෙන්ම, දෙස් විදෙස් ගිහි පින්වතුන්ගේ ආධ්යාත්මික සුවය උදෙසා සිදුකරන විවිධ ශාසනික සේවාවන් සඳහා ද අප සේනාසනය මගින් සුවිශේෂී දායකත්වයක් ලබා දෙයි.
දායකත්වය
දායක සභාවබොහෝ දෙනාගේ භෞතික වූත් ආධ්යාත්මික වූත් සුවපහසුව, සැපය කැමැත්තෙන් දම්සයුර ආරණ්ය සේනාසනයේ භෞතික සංවර්ධන කටයුතු, දම්සයුර දහම් සේවාව, මූල්ය කළමනාකරණය සහ පින්කම් කටයුතු විධිමත්ව පවත්වාගෙන යෑම සඳහා දම්සයුර දායක සභාව නිරන්තරයෙන් කැපවී සිටියි.
ආරණ්ය සේනාසනයේ පිහිටීම
විමසීම්
ලිපිනය
දම්සයුර ආරණ්ය සේනාසනය,
මාණික්කවත්ත, රක්වාන 70300
ලියාපදිංචිය
දම්සයුර ආරණ්ය සේනාසනය:
බෞකො/විහාදේ 20/33/039 ·
දායක සභාව:
බෞ.කො./සං8/දාස/රත්/කල/24 ·
ආරණ්යයේ වෙනත් දහම් සේවාවන් වෙතට
සියලු සතුන් ලොව සුවපත් වෙත්වා!
මුල් පිටුවට