මුල් පිටුවට
සදහම් ලිපි
පූජ්ය නාවලපිටියේ අරියවංශ ස්වාමීන් වහන්සේගේ දේශනා ඇසුරින් සකස් කළ සදහම් ලිපි මෙම පිටුවේ ඇතුළත් වේ.
ලිපි 35
නවතම ලිපිය
Accumulating Merit Drop by Drop: The Way to Perform Small Meritorious Acts Every Day
2025-11-03 · 8 min
The Blessed One taught that a wise person accumulates merit (puñña), even if it arises in small increments. They do not neglect a wholesome action with the thought, ‘This is merely a small amount of puñña.’ He illustrated this principle with a simple yet profound analogy: ‘Just as a water pot is filled by the falling of water, drop by drop,’ so too does a life become filled with merit.
අපි ප්රත්යවේක්ෂා කරමු (ලිපි මාලාව)
ලිපි මාලාව · ලිපි 13 · 2019–2020
- 01විමුක්ති සිත ප්රත්යවේක්ෂා කරමු
- 02නොපිරිහෙන කෙනෙක් වෙන්ට නම්
- 03ප්රත්යවේක්ෂාව තුලින් දියුණු වන දහම් මග
- 04සිත දැකීමට දක්ෂ වෙමු
- 05තවදුරටත් ප්රත්යවේක්ෂා කිරීම ඉගෙන ගනිමු
- 06අකුසල් දුරු කරගන්ට කැමති වෙමු
- 07සමථ - විදර්ශනා තේරුම් ගනිමු
- 08සමථ - විදර්ශනා වෙන්කොට හඳුනාගනිමු
- 09සමථ - විදර්ශනා වැඩෙන රටාව හඳුනාගනිමු
- 10සිත වැඩෙන අනුපිළිවෙල හඳුනාගනිමු
- 11ප්රායෝගිකත්වයට එමු
- 12ජීවිතය තුළින් ධර්මය දැකගන්න
- 13අත්හැරීමෙන් ලබන ජය (දුප්පටිවිනොදය සූත්රය ඇසුරින්)
- පිළිවෙලින් වැඩිය යුතු මාර්ගය – 32021-02-20 · 6 minමේ විදියට ධර්මය පුරුදු කරන කෙනා අතින් යම් සිල් පදයක් බිඳුණොත්, ආපත්තියක් වුණොත්, සීලයට හානියක් වුණොත් එයා කොහොමද කටයුතු කරන්නේ? උඩුබැලි අතට වාසය කරන, බඩ ගාගෙන යන පුංචි දරුවෙක් ඉන්නවා. බඩගාගෙන යන දරුවා, අතට අහුවෙච්ච එක කටේ දාගන්නවා නේද? ඒක ඒ දරුවාගේ ස්වභාවය. මෙහෙම ඉන්නකොට යම් වෙලාවක එයාට ගිනි අඟුරක් අහු වුණොත්? සැණෙකින් අතහරිනවා. වෙන දෙයක් අහු වුණොත් කටේ දාගන්නවා. නමුත් ගිනි අඟුරක් අහු වුණොත් සැණෙකින් අතහරිනවා. භාග්යවතුන් වහන්සේ දේශනා කරනවා, ඒ විදියට ම මේ මෛත්රී සහගත කාය කර්ම, වචී කර්ම, මනෝ කර්ම පුරුදු කරමින් පිරිස සමඟ සමගි සම්පන්නව වාසය කරන යම් භික්ෂුවක් ඉන්නවා ද, මේ භික්ෂුව අතින් කලක දී යම් වරදක් වෙනවා. ඒ වරද සිදුවුණ සැණින්, එයා ඒ වරදෙන් නිදහස් වෙන්ට කටයුතු කරනවා.
- පිළිවෙලින් වැඩිය යුතු මාර්ගය – 22021-02-15 · 7 minභාග්යවතුන් වහන්සේ වදාළ ධර්මය ශ්රද්ධාවෙන් අදහාගෙන ශ්රද්ධානුසාරී වෙන්ට වෑයම් කරන කෙනාට ශ්රද්ධාවට එන්ට පුළුවන්කම ඇතිවෙනවා. එයා පිළිගන්නවා භාග්යවතුන් වහන්සේ වදාළ ධර්මය ඒකාන්තයෙන් සත්යයක්. ‘ඇස අනිත්ය යි. අනිත්ය වූ ඇස මම නොවේ, මගේ නොවේ, මාගේ ආත්මය නොවේ’ කියන මේ ධර්මය පිළිගන්නවා, ශ්රද්ධාවෙන් බැස ගන්නවා. ඔහු ඒ ශ්රද්ධාවෙන් පිළිගත් ධර්මය සිහිකරනවා. පුරුදු කරන්ට මහන්සි වෙනවා. අනිත්ය දර්ශනයට පැමිණ වාසය කරන්ට කැමති කෙනෙක් බවට පත්වෙනවා. අනිත්ය දර්ශනය පුරුදු කරන කෙනෙක් බවට පත්වෙනවා.
- පිළිවෙලින් වැඩිය යුතු මාර්ගය – 12021-02-08 · 8 minබුදුරජාණන් වහන්සේ අපට පෙන්වා දෙනවා, උඩු බැලි අතට වැතිරිලා ඉන්න ළමයෙක් ඉන්නවා. ඒ ළමයා අතට අහුවෙච්ච දේ කටේ දාගන්නවා. ඒ ළමයා බලාගන්න කෙනා, ළමයා ගැන සෝදිසියෙන් ඉන්නවා. යම් වෙලාවක මේ ළමයා, අතට කැට කෑල්ලක් ගත්තොත් ඒ බලාගන්න කෙනා ඉක්මනින් ඒ අත ගසාහැරලා කැට කෑල්ල කටේ දාගන්න එක වළක්වනවා. යම් වෙලාවක ළමයා බලාගන්න ඉන්න කෙනාගේ පුංචි දෝශයක් වුණ ගමන් ඒ ළමයා අතට ගත්ත කැටකෑල්ල කටේ දාගන්නවා. එතකොට අර ළමයා බලාගන්න කෙනාට, ළමයාගේ වෙනස ඉක්මනින් තේරෙනවා. ළමයා බලාගන්න කෙනා ඉතාමත් ම සංවේදීයි. එයා දන්නවා ළමයගේ වෙනසක් වෙනකොට මෙයා කටේ යමක් හිර කරගෙන කියලා.
- ශ්රද්ධාවෙන් පටන්ගනිමු2021-02-05 · 9 minඅප කවුරුත් ප්රමාදී බව අත්හැරලා, අප්රමාදී බවට එන්ට උත්සාහ කරන්ට ඕන. ආර්ය සත්යය අවබෝධයට හේතු නොවන විදියට පවත්වන සිතුවිලි, වචන, කායික ක්රියා ඒ සියල්ලක් ම ප්රමාදයට හේතු වෙනවා. ආර්ය සත්යය අවබෝධයට උපකාර වන විදියට හිතනවා නම්, කතා කරනවා නම්, කයෙන් හැසිරෙනවා නම් ඒවා අප්රමාදී බවට හේතු වෙනවා. ඒ නිසා ආර්ය සත්යය අවබෝධයට කැමැත්ත ඇති කරගන්න. ආර්ය සත්යය අවබෝධයට කැමැත්තෙන් යුක්තව වාසය කරදදී යමක් සිතුවා නම් එය ආර්ය සත්යය අවබෝධයට උපකාර වෙනවා. ආර්ය සත්ය අවබෝධයට කැමැත්තක් ඇතිව කතා කරනවා නම්, කායික හැසිරීම් පවත්වනවා නම් ඒ ක්රියාව, ඒ කතාව ආර්ය සත්යය අවබෝධයට හේතු වෙනවා.
- අප්රමාදී බව උපදවන ඉන්ද්රිය සංවරය2021-01-23 · 8 minභාග්යවතුන් වහන්සේ අපට කියා දෙනවා, යමෙක් ඇස කියන ඉන්ද්රිය අසංවර කරගෙන වාසය කරනවා නම්, ඔහු දකින ප්රිය රූපයට ආසා කරලා, ඒවයේ නිමිති සටහන් මතක තියාගෙන, ඒවා ගැන ආශ්වාදයෙන් කල්පනා කර කර ඉන්ට පටන් ගන්නවා. එයින් එයාගේ සිත කෙළෙස් වලින් තෙත්වෙලා යනවා. ඔහුගේ සිතේ ප්රමුදිතභාවය උපදින්නේ නෑ. සිතේ නැවුම් ස්වභාවය ඇතිවෙන්නේ නෑ. සිත කෙළෙස් වලින් යටවෙලා තියෙන්නේ. ප්රමුදිතභාවය නැති කෙනාගේ සිතේ ප්රීතිය ඇතිවෙන්නේ නෑ. ප්රීතිය නැති කෙනාට කායික සැහැල්ලුව ඇතිවෙන්නේ නෑ. කායික සැහැල්ලුව නැති කෙනාට සැපය ඇතිවෙන්නේ නෑ. එයා දුකසේ වාසය කරනවා කියලා භාග්යවතුන් වහන්සේ පෙන්වා දෙනවා. ඒ දුකසේ වාසය කරන කෙනාට සමථ-විදර්ශනා ධර්මයන් පහළ වෙන්නේ නෑ. ඒ කියන්නේ සමාධිය උපදවාගන්ට බෑ, උපදින්නේ නෑ.
- නිවන ගැන කැමැත්තක් ඇති කරගනිමු2021-01-18 · 8 minබුදුරජාණන් වහන්සේගේ ශාසනය තුල පෙන්වා දෙන උසස් ම ප්රතිලාභය, උසස් ම පිළිසරණ ලබන්ට, විශාල පරිත්යාගයක්, විශාල කැපකිරීමක් කරන්ට වෙනවා. සාමාන්ය ලෝකයේ තිබෙන භෞතික දේවල් වලින් වුණත් යම් කැපකිරීමක් නැතිව ප්රතිලාභ ලබන්ට බෑ. බුදුරජාණන් වහන්සේ පෙන්වා දෙන ප්රතිලාභයන්, සාමාන්ය මනුෂ්යයා අත් කරගන්න ලෞකික ප්රතිලාභයන්ට වඩා වටිනාකමෙන් අග්රයි. සම කරන්ට බෑ.
- බුදුසසුනෙන් බැහැර නොවෙමු2021-01-03 · 8 minඅපි හැම කෙනෙක් ම දන්නවා අපිට ලැබිලා තියෙන ලාභය, ප්රමාණ කරන්ට බැරි, වටිනාකම තක්සේරු කරන්ට බැරි, යමකට සමාන කරලා හිතන්ට බැරි, ලෝකයේ පරම දුර්ලභ ලාභයක්. ඒ තමයි මිනිසත් බව ලැබීම සහ බුද්ධ ශාසනය මුණගැසීම. බුදු සසුනට පිවිසීමට හැකිවිම. අපිට මුණ ගැසුන බුද්ධ ශාසනය සුරක්ෂිත වීමට, මේ සසුන තුල සුරක්ෂිතභාවය ඇති කරගැනීම පිණිස හැම මොහොතක ම වෑයම් කරන්ට ඕන. උත්සාහ කරන්ට ඕන. මේ ජීවිතය ගෙවිලා අවසන් වෙන්ට මත්තෙන් මේ ශාසනය තුල ස්ථිර වෙන්ට, සසුනෙන් බැහැර නොවෙන විදියට පිළිසරණ උපදවා ගන්ට උත්සාහ කරන්ට ඕන. සසුනෙන් බැහැර වුණොත් අපි හිටියාටත් වඩා භයානක තත්වයකට ඇදගෙන වැටෙනවා. ශ්රේෂ්ඨ දෙයක් මුණගැහිලා ඒ ශ්රේෂ්ඨ දේ අත්හැර ගන්න කෙනා ඉතා ම භයානක ස්වභාවයට ඇදගෙන වැටෙනවා. ඒක අපි තේරුම් ගන්ට ඕන.
- බුදුවරුන්ගේ පහළවීම සැපයක්ම යි!2020-12-29 · 9 minඅපි හැම කෙනෙක් ම බඹසර ජීවිතයට පැමිණිලා තියෙන්නේ බුදුරජාණන් වහන්සේ මුල් කරගෙනයි. බුදුරජාණන් වහන්සේගේ සරණ ලැබීම පිණිසයි. භික්ෂු භික්ෂුනී හෝ වේවා, උපාසක උපාසිකා හෝ වේවා බඹසර ජීවිතයට පැමිණෙන්නේ, ධර්මය අහලා, ධර්මය ගැන යම් තේරුමක් ඇතිව, තෙරුවන් සරණ ගිහින් සීලයේ පිහිටීමෙනුයි. යමෙක් ධර්මය අහලා, ධර්මය ගැන යම් තේරුමක් ඉපදීමෙන් තමයි තිසරණයේ පිහිටන්නෙත්, සීලයෙහි පිහිටන්නෙත්. එපමණකින් ම ඔහු බඹසර ජීවිතයට පැමිණිලා.
- ආර්ය සත්යය සිහි කරමු2020-09-30 · 3 minභාග්යවතුන් වහන්සේ අපට දේශනා කරනවා, පාපී අකුසල සිතුවිලි හිත හිත ඉන්ට එපා කියලා. පාපී අකුසල සිතුවිලි හිත හිත ඉඳීම අර්ථ සහිත නෑ. පිරිසිදු ජීවිතයක් උපදවන්ට උදව් වෙන්නේ නෑ. නිබ්බිදාව ඇති කරවන්නේ නෑ. රාගය සංසිඳුවන්නේ නෑ. ඇල්ම දුරු වෙන්නේ නෑ. ඇල්ම නිරුද්ධ වෙන්නේ නෑ. සිත සංසිඳෙන්නේ නෑ. විශේෂ ඤාණය උපදවන්නේ නෑ. ආර්ය සත්ය අවබෝධය ඇති කරවන්නේ නෑ. නිවන අවබෝධ කරන්ට උදව් වෙන්නේ නෑ. මේ සා මහත් අනර්ථයක් ඇති කරන, අපගේ ජීවිත මුළුමනින් ම විනාශයට පමුණුවන කාම විතර්ක, ව්යාපාද විතර්ක, විහිංසා විතර්ක කියන අකුසල විතර්කයන් ගැන යි භාග්යවතුන් වහන්සේ මේ කියා දෙන්නේ.
- ධර්මයෙන් ලබන මහත් වූ සැපයට කැමති වෙන්න2019-09-11 · 3 minබුදුරජාණන් වහන්සේගේ ධර්මය පුරුදු කිරීමෙන් අපට මේ ජිවිතය නොපිරිහෙන දෙයක් බවට පත්කරගන්ට පුළුවන්. මිනිසුන්ගේ පමණක් නෙවෙයි, දෙවියන්ගේ ජීවිතත් පිරිහෙන්නේ නැති විදියට දියුණු කරගන්ට පුළුවන්කම තියෙන්නේ, බුදුරජාණන් වහන්සේගේ ධර්මය පුරුදු කිරීමෙන් පමණයි. වෙනත් බාහිර දෙයක් පුරුදු කිරීමෙන් හෝ භාවිත කිරීමෙන්, යම් ආකාරයක සැප සම්පත් ලබන්ට පුළුවන්. නමුත් ඒ සැප භාග්යවතුන් වහන්සේ පෙන්වා දුන් ධර්මයෙන් උපදින සැපයට කිසිසේත් සම කරන්ට හෝ කිට්ටු කරන්ට පුළුවන්කමක් නෑ. ධර්මයෙන් බාහිර දෙයකින් ලබන සැපය, ධර්මය පුරුදු නොකළ කෙනෙකුට මහා විශාල දෙයක් වගෙයි පෙනෙන්නේ. ඒක ස්වභාවයක්. නමුත් ධර්මය පුරුදු කිරීමෙන් උපදින සැප තේරුම් අරගෙන, ධර්මය පුරුදු කළොත් ධර්මයෙන් බාහිරව ලබන සැප කෙන්දක් තරම්වත් නොවටිනා බව අපට තේරෙනවා.
- තෙරුවන් කෙරෙහි අචලප්රසාදයට පත්වෙමු2019-07-31 · 7 minඅපි බුදුරජාණන් වහන්සේගේ ශ්රාවකයින් විදියට බුදුරජාණන් වහන්සේ කෙරෙහි නැඹුරු වූ සිතින් වාසය කරන්ට ඕනැ. බුදුරජාණන් වහන්සේ මේ ලෝකය අවබෝධ කළා. මේ ලෝකයේ පරම සත්යය අවබෝධ කළා. උන්වහන්සේට සැඟවුනු රහසක් තිබුණේ නෑ. මේ ලෝකයේ කිසිවෙකුට වෙනස් කරන්ට බැරි ඒ තියුණු ප්රඥාව උන්වහන්සේ උපදවා ගත්තා. භාග්යවතුන් වහන්සේ දෙවියන්ගේත් මිනිසුන්ගේත් යහපත උදෙසා සිංහ රාජයෙක් වගේ සිංහ නාදය පැවැත්වුවා. උන්වහන්සේ මිත්යාදෘෂ්ටික කඩමාලු ඉරා දැම්මා. කිසිවෙකුටත් වෙනස් කරන්ට බැරි ඒ පරම සත්යය විවෘත කරලා පෙන්නුවා.
- දෛනික කටයුතු කරමින් ම අකුසල විතර්ක බැහැර කරමු2019-07-25 · 4 minසතර ඉරියව්වේදී ම අපේ සිතේ අකුසල විතර්ක හටගන්ට පුළුවන්. අපි වාඩිවෙලා භාවනා කිරීමෙන් පමණක් අකුසල විතර්ක දුරු කරන්ට කල්පනා කළොත් පුළුවන් වෙයි ද? බෑ. අපි හිතන්නේ ඉඳගෙන භාවනා කිරීමෙන් පමණයි අකුසල් දුරු කරන්ට තියෙන්නේ කියලා. නමුත් අපට ඉඳගෙන භාවනා කරන්ට ලැබෙන්නේ දවසේ පුංචි වෙලාවයි. අනෙක් වැඩි කාලයක් ම අපි වෙනත් කටයුතු කරමින් ඉන්නේ. සාමාන්ය කටයුතු කරන වෙලාවන් වලදී හිතේ නොයෙකුත් ආකාරයේ අකුසල් හටගන්නවා නේද? ඒ අකුසල් බැහැර කරගන්නේ නැතිව ඒ අකුසල් වලට යටවෙලා ම අපි වාසය කළොත්, පුංචි වෙලාවක් වත් වාඩිවෙලා භාවනා කරන්ට පුළුවන් වෙයි ද? බැහැ. හේතුව අපි වැඩි වෙලාවක් භාවනා කිරීම නෙවෙයි කරන්නේ. ඉඳගෙන භාවනා කරන්ට ලැබෙන්නේ පුංචි වෙලාවක්. අනෙක් හැම වෙලාවක ම අපි වෙන මොනවාහරි කටයුත්තක් කරනවා.
- ධර්මාවබෝධයට පමා නොවෙමු2019-07-18 · 7 minමේ මනුස්ස ජීවිතය අපිට අතිශයින් ම කලාතුරකින් ලැබුන දෙයක්. ඉතා ටික කලයි අපි මේ ලෝකයේ ජීවත් වෙන්නේ. මේ පුංචි කාලය තුල අපි බුදුරජාණන් වහන්සේ විසින් ලොවට පෙන්වා දුන් චතුරාර්ය සත්යය ධර්මය අවබෝධ කිරීමේ වැදගත්කම තේරුම් අරගෙන ඒ ධර්මය අවබෝධ කළොත් මේ ජීවිතය ඉතා වටිනා දෙයක් බවට පත් කරගන්ට පුළුවන්.
- ප්රමාද නොවී ශ්රේෂ්ඨ වූ නිරාමිස සැපයට පැමිණෙමු2019-07-15 · 8 minඅපිට ලෝකයේ තියෙන අතිශයින් ම දුර්ලභ, වචනයෙන් ප්රකාශ කරන්ට බැරි තරම් දුර්ලභ ලාභයන් ලැබිලා තියෙනවා. ඒ තමයි බුදුරජාණන් වහන්සේ පහළ වුණු කාලයක මිනිස් ලොව ඉපදිලා, ඒ බුදුරජාණන් වහන්සේගේ ශාසනය අපිට මුණගැහිලා තියෙනවා. ඒ ධර්මය මුණගැහිලා තියෙනවා. කළ්යාණ මිත්ර ඇසුර ලැබිලා තියෙනවා. මේ දුර්ලභ දේවල් මුණුගැසුනු අපි, ඒ දුර්ලභ දේවල් වලින් ඵල ප්රයෝජන ලබන්ට උත්සාහ කරන්ට ඕන.
- සීලය පරිපූර්ණ කරගනිමු2019-07-04 · 6 minලෝකයට අතිශයින් ම දුර්ලභ ව පහළ වන සම්මා සම්බුදුරජාණන් වහන්සේ නමක් විසින් තමයි ‘ආර්ය වූ සීලය’ නම් වූ උතුම් ධර්මය පණවා වදාළේ. ඒ සීලය මෙලොව යහපත සලසන්ටත්, පරලොව යහපත සලසා දෙන්ටත්, උතුම් නිවන අවබෝධ කරදෙන්ටත් ඒකාන්තයෙන් ම හේතු වෙනවා. සියලු දුකෙන් නිදහස් වීම පිණිස ඒකාන්තයෙන් උපකාර වෙනවා. සීලය ආරක්ෂා වීමකින් තොරව, මෙලොව පරලොව යහපත සලසා ගැනීමවත්, නිවන අවබෝධ කරගැනීමවත් සිද්ධ වෙන්නේ නෑ. තමාගේත් අනුන්ගේත් සියලු යහපත පිණිස උපකාර වන ප්රධාන ම මූලික ම ධර්මය තමයි සීලය.
- ලැබුණු සුගති සම්පත් පිරිහෙන්ට දෙන්ට එපා2019-06-27 · 8 minබුදුරජාණන් වහන්සේගේ ධර්මය අහන අය විදියට අපිට වැටහීමක් තිබිය යුතුයි, ‘අපිට පෙර කළ පිනක් තියෙනවා, ඒ පිනේ විපාක තමයි අපි විඳින්නේ’ කියලා. පෙර කළ යම් පිනක විපාකයක් මේ විඳින්නේ කියලා අපි පිළිගන්නේ නැත්නම්, පින කෙරෙහි විශ්වාසය නැතිකමයි එතන තියෙන්නේ. අපිට මනුස්ස ලොකේ ඉපදෙන්ට ලැබුණේ පිනක විපාකයක් විදියට. පින් නොකළා නම් මනුස්ස ලොකේ ඉපදෙන්නේ නෑ. ඒක සිහි කරන්ට ඕන. ඒක සිහි කරන්නේ පින ගැන දන්න කෙනා. පිනත්, පිනේ විපාකයත් පිළිගන්න කෙනා ඒ ගැන සිහි කරනවා, ‘මම පිනක් කරගෙන තිබුණ නිසයි මනුස්ස ලෝකයට එන්ට ලැබුණේ. යහපත් පින් කරගත්තේ නැත්නම්, පවු කරගෙන තිබුණා නම් දුක් සහිත ලෝක වල ඉපදෙන්ට සිදු වෙනවා’ කියලා එයා සිහි කරනවා. ‘තාවකාලිකව හරි දුක් සහිත ලෝක වලින් නිදහස් වෙලා මේ සැප සහිත සුගති ලෝකයකට මට එන්ට ලැබුණා’ කියලා සිහි කරනවා.
- ලෝකයට උපකාර සහිත කෙනෙක් වෙමු2019-06-20 · 6 minබුදුරජාණන් වහන්සේගේ ධර්මය ඉගෙන ගැනීමෙන් අපිට ලැබෙන ලොකු ලාභයක් තමයි සුචරිතය දුෂ්චරිතය ගැන ඉගෙන ගන්ට ලැබීම. යමෙකුට සුචරිතය දුෂ්චරිතය ගැන ඉගෙන ගන්ට නොලැබුණොත් ලෝකයට හොඳ උපකාරයක් සහිත කෙනෙක් බවට පත්වෙන්ට බැරිව යනවා. මේ ලෝකයේ තියෙන ලොකු අර්බුදයක් තමයි, සුචරිතය මෙයයි, දුෂ්චරිතය මෙයයි කියලා අඳුරන්ට බැරිකම.
- අප්රමාදීව සතර අපායෙන් නිදහස් වෙමු2019-06-13 · 3 minඅපි අපේ ජීවිතයේ තාවකාලික බව තේරුම් ගත්තොත්, ඒ ගැන කල්පනා කළොත්, ඒ කල්පනා කිරීම අපට සිත පාලනය කරගන්ට, මෙල්ල කරගන්ට, දමනය කරගන්ට උපකාර වෙනවා. යමෙක් තමන්ගේ සිත පාලනය කරගත්තොත් වැරදි දේවල් වලින් නිදහස් වෙන්ට පුළුවන්. සිත දමනය කරගන්ට බැරි නිසා තමයි මිනිසුන් අතින් නොයෙකුත් වැරදි සිද්ධ වෙන්නේ. මිනිසුන්ගේ උපන් දෝෂයක් නෙවෙයි. අපට එදිනෙදා ජීවිතයේදී නොයෙකුත් වැරදි දේ කරන මිනිසුන් මුණගැසෙනවා. එතකොට මේ අයට හිතට කේන්තියක් එන්ට පුළුවන් ‘මේ මිනිස්සු වැරදි දේ කරනවා. කොයිතරම් කීවත් අහන්නේ නෑ’ කියලා. නමුත් එය මිනිසුන්ගේ වරදක් නෙවෙයි. නොතේරුම්කම නිසා සිත පාලනය කරගන්ට බැරි කමක් තියෙන්නේ. සිත පාලනය කරගන්ට බැරිවුණාම කොයි කාටත් යහපත කරන්ට බෑ.
- සතර අපායෙන් නිදහස් කරවන තියුණු කැමැත්ත2019-06-06 · 4 minමිනිස් ලෝකයේ ඉපදුණු සියලු දෙනාට ම චතුරාර්ය සත්යය ධර්මය අහන්ට ලැබෙන්නේ නෑ. ඉතා ම ස්වල්ප දෙනෙකුට තමයි ආර්ය සත්යය ප්රකාශිත උතුම් ධර්මය අහන්ට ලැබෙන්නේ. අපිටත් ඒ දුර්ලභ වාසනාව ලැබිලා තියෙනවා. ධර්මය ඇසූ අපි, ඒ ධර්මයට අනුව කල්පනා කළොත් ප්රඥාවන්තයින් බවට පත්වෙනවා. යමෙකුට ආර්ය සත්යය පිළිබඳ අවබෝධයක් තියෙනවා නම් එයට තමයි ‘ප්රඥාව’ කියන්නේ. ප්රඥාව තියෙන කෙනාට මේ ජීවිතයේ තිබෙන අනතුර තේරුම් අරගෙන, අනතුරෙන් නිදහස් වෙන්ට පුළුවන්කමක් තියෙනවා. ප්රඥාව නැති කෙනාට අනතුර තේරුම්ගන්ට පුළුවන්කමක් නෑ. චතුරාර්ය සත්යය අවබෝධ කරගන්ට නොහැකි වීමෙන් ම යි ඉතා ම දුක් සහිත, දීර්ඝ සසර ගමනක් ගෙවාගෙන එන්ට සිද්ධ වෙලා තිබෙන්නේ.
- ගිනි නිවා සිසිල් වෙමු2019-05-30 · 4 minරාග, ද්වේෂ, මෝහ දුරුකිරීම ගැන විශේෂයෙන් තියුණු කැමැත්තක්, බලවත් කැමැත්තක් උපදවාගන්න. සසර දුකින් නිදහස්වෙන්ට ඕනෑ කියන අදහස බලවත්ව සිතේ පිහිටුවගන්න. හැබැයි ඒ අදහස බාහිර ලෝකයට ප්රකට කරන අදහසක් නොවිය යුතුයි. බාහිර ලෝකයට ප්රකට කරන අදහසකින් තමාට යහපතක් ඇති කරගන්ට බෑ. එනිසා තමාගේ සිතේ අභ්යන්තරයේ බැසගත්, බලවත් අදහසක් උපදවගන්න රාග, ද්වේෂ, මෝහ දුරුකිරීම ගැන.
- ජරා-මරණ දුකින් අත්මිදෙමු2019-05-23 · 3 minඔබ අපි කවුරුත් ඉතා ම වාසනාවන්තයි. ඒකට හේතුව තමයි අපි ඉපදී සිටින්නේ ගෞතම බුදුරජාණන් වහන්සේගේ සාසනය ජීවමානව තිබෙන කාලෙක. ගෞතම බුදුරජාණන් වහන්සේ පිරිනිවන්පාලා අද වන විට වසර දෙදහස් පන්සිය හැට දෙකක් ගෙවෙමින් පවතිනවා. ඒ සා දීර්ඝ කාලයක් ගත වී තිබියදී වුණත්, ඒ සම්බුදු සසුන තව දුරටත් දෙවි මිනිසුන්ගේ යහපත පිණිස, සැපත පිණිස ජීවමානව පවතිනවා. මෙබඳු යුගයක ඉපදෙන්ට ලැබීම භාග්යයක්.