සදහම් ග්‍රන්ථ

“භාවනා කිරීමට බොහෝ දෙනා කැමතියි. නමුත් එය ඉතා දුෂ්කර දෙයක් විදියට යි ඇතැමුන් දකින්නේ. යමෙකුට භාවනා කිරීම දුෂ්කර වෙන්නේ, ඒ සඳහා සිත සකස්වෙලා නැති නිසයි. භාවනාව හොඳින් පිහිටා වැඩීමට ඉතාම සුදුසු විදියට සිත සකස් වෙන්නේ සීලය සම්පූර්ණ වීමෙන්. සීලය සම්පූර්ණ වන විට නීවරණ වලට ආහාර නොලැබෙන නිසා පහසුවෙන් ම භාවනාව සාර්ථක වෙනවා. සීලය නොපිරී තිබෙද්දී නීවරණ පෝෂණය වන නිසා භාවනා කිරීම දුෂ්කර යි.

සීලය මහපොළොව වගේ කියලයි බුදුරජාණන් වහන්සේ දේශනා කළේ. මහා විශාල ගොඩනැගිලි, විශාල ගස් ආදිය මහපොළොව මත පිහිටා මහපොළොව ඇසුරු කරගෙන පවතින්නා සේ නිවන අවබෝධයට වුවමනා සෑම ධර්මයක් ම සීලය මත පිහිටා සීලය ඇසුරු කරගෙන වැඩෙනවා. මේ විදියට තමා තුල සම්පූර්ණ වූ සීලය මුල් කරගෙන සිත වඩන භාවනාව ‘සීලානුස්සති භාවනාව’ විදියට යි භාග්‍යවතුන් වහන්සේ හඳුන්වා දී තිබෙන්නේ. සීලය සම්පූර්ණ කරගන්නා ආකාරයත්, සීලානුස්සති භාවනාව වඩන ආකාරයත්, ඒ ඇසුරු කරගෙන නිවන පිණිස වන පිරිසිදු බඹසර ජීවිතය සාර්ථක කරගන්නා ආකාරයත් බුදුරජාණන් වහන්සේ දේශනා කළ පරිදි මේ පොතෙහි විස්තර කරනවා.”