Miscellaneous Dhamma sermons by
Rev. Nawalapitiye Ariyawansha Thero
සදහම් අනුශාසනා
අපේ ජීවිතය පෝෂණය කරන්න, දියුණු කරන්න එක එල්ලේ ම උදව්වන දේවල් තමයි අවවාද අනුශාසනා කියලා කියන්නේ. ඒ අවවාද අනුශාසනා වලින් තොරව අපේ ජීවිතේ යහපත් පැත්තට දියුණ කරගන්ට අපිට අවස්ථාවක් ලැබෙන්නේ නෑ. ජීවිතේ අයහපත් පැත්තට යන්ට අවවාද ඕන වෙන්නේ නෑ. ඒ නිසා අපි අපි ගැනම කල්පනා කරලා අපේ ජීවිතය දියුණු කරගැනීම පිණිස ලැබෙන අවවාද තමන්ගේ ජීවිතයට ගලපාගන්න තමන් තුල ලොකූ කැමැත්තක් උපදවාගන්ට ඕනැ.
– පූජ්‍ය නාවලපිටියේ අරියවංශ ස්වාමීන් වහන්සේ
මෙම පිටුව පරිහරණය කිරීම පිණිස මඟපෙන්වීමක් ...
1. ධර්ම දේශනාවේ නම තිබෙන කොටුව ඇතුලත Click/Touch කරන්න.
2. දැන් ඔබට පෙනෙන සුදු ඊතලයක් සහිත රතු පැහැති රවුම මත Click/Touch කිරීමෙන් දේශනාව ශ්‍රවණය කළ හැක.
3. DOWNLOAD MP3 යන වචනය මත Click/Touch කිරීමෙන් දේශනාව download කිරීමට යොමුවෙන්න පුළුවන්.
අරහං සම්මා සම්බුද්ධ වූ බුදුරජාණන් වහන්සේගේ අවබෝධය කෙරෙහි පිහිටි නොසැලෙන ශ්‍රද්ධාවේ සැබෑ ස්වරූපය තමා තුළ ඇති නැති බව දැනගෙන, ශ්‍රද්ධා, සීල, ශ්‍රුත, චාග, ප්‍රඥා යන සේඛ බලයන් වඩමින්, සතර අපායෙන් නිදහස් වූ ජීවිතය උපදවා ගැනීම පිණිස මඟ කියන මේ ධර්ම දේශනාව ඔබත් ශ්‍රවණය කරන්න…!
ගිහි ජීවිතයේ සුව සොම්නස පිණිස භාග්‍යවතුන් වහන්සේ පණවා වදාළ අත්ථි සුඛ, භෝග සුඛ, අනණ සුඛ, අනවජ්ජ සුඛ යන සතර ආකාර සුවයන් ඇති කරගනිමින්, ඉන් නොනැවතී පැවිදි බවට පත්වෙන ශ්‍රාවකයාගේ සුව සොම්නස පිණිස වන නෙක්ඛම්ම සුඛ, පවිවේක සුඛ, උපසම සුඛ, සම්බෝධ සුඛ යන සතර ආකාර සුවයන් ඇති කරගනිමින්, මහත් වූ සැපයට පත්වෙන ආර්ය ශ්‍රාවකත්වය ගැන කියාදෙන මේ උතුම් දහම් අනුශාසනාව ශ්‍රවණය කරන්න…!
බුදුරජාණන් වහන්සේගේ නමකගේ ධර්මය ශ්‍රවණය කරන්ට තරම් දුර්ලභ අවස්ථාවක් ලැබුන කෙනා විසින් සක්කාය දිට්ඨිය, සීලබ්බත පරාමාස සහ විචිකිච්ඡාව ප්‍රහාණය කරගනිමින්, නිරයගාමී රාග ද්වේෂ මෝහයන් දුරු කරමින්, අධිසීල, අධිචිත්ත, අධිපඥා වඩමින් දිට්ඨි සම්පත්තිය ඇති කරගැනීම ගැන කියාදෙන මේ ධර්මානුශාසනාව ඔබත් ශ්‍රවණය කරන්න…!
දුකින් නිදහස් වීමේ මාර්ගය සොයන අපට, බුදුරජාණන් වහන්සේ පෙන්වා දුන් උතුම් ධර්මය තුළින් ජීවිතය දෙස බලමින් දුක හඳුනාගෙන, දුකේ හේතුව තේරුම් අරගෙන, දුකින් නිදහස් වෙන්න පුළුවන් බව දැනගෙන, ඒ සඳහා යන මාර්ගය පුරුදු කරගැනීම පිණිස ශ්‍රද්ධාව ඇති කරගෙන, සීලයෙන් යුක්තව ජීවත් වෙමින්, ධර්මය ශ්‍රවණය කරමින්, සිත පිරිසිදු කරගන්නා මඟ ගැන ඉගෙනගන්න මේ ධර්මානුශාසනාව ඔබත් ශ්‍රවණය කරන්න…!
