'For a Life of Responsibility' (dhamma sermon series) by
Rev. Nawalapitiye Ariyawansha Thero
වගකීම් සහිත ජීවිතයක් පිණිස
සමාජයේ විවිධ ක්ෂේත්රයන්හි කටයුතු කරන අය වෙනුවෙන් සිදුකළ මේ ධර්ම දේශනා තම දෛනික ජීවිතයේදී හා වෘත්තීය කටයුතු වලදී වගකීම් සහිත ජීවිතයක් ගත කිරීම පිණිස, භාග්යවතුන් වහන්සේගේ ශ්රාවකත්වයට පැමිණීම පිණිස උපකාර කරගනිත්වා!
– පූජ්ය නාවලපිටියේ අරියවංශ ස්වාමීන් වහන්සේ
මෙම පිටුව පරිහරණය කිරීම පිණිස මඟපෙන්වීමක් ...
1. ධර්ම දේශනාවේ නම තිබෙන කොටුව ඇතුලත Click/Touch කරන්න.
2. දැන් ඔබට පෙනෙන සුදු ඊතලයක් සහිත රතු පැහැති රවුම මත Click/Touch කිරීමෙන් දේශනාව ශ්රවණය කළ හැක.
3. DOWNLOAD MP3 යන වචනය මත Click/Touch කිරීමෙන් දේශනාව download කිරීමට යොමුවෙන්න පුළුවන්.
බුදුරජාණන් වහන්සේගේ දේශනා කළ නිවැරදි ධර්මය ඇසීමෙන් ලැබෙන යහපතත්, කායික, වාචසික හා මානසික දුශ්චරිතය නිසා සිදුවන අයහපතත්, රාග, ද්වේෂ, මෝහ දුරු කර සිත පිරිසිදු කරගැනීමෙන් මුලුමහත් සමාජයට සැලසෙන යහපත ගැනත් අවධාරණය කරමින්, මෙම ධර්ම දේශනාව සිදුකළ පොලිස් සේවයේ නියුතු නිලධාරීන්ට තම සේවය තුළින් සමාජයේ සියලු ජන කොටස් වලට මහත් වූ උපකාර සැලසීමට ඇති අවස්ථාවත් ගැන කියාදෙන මේ ධර්මානුශාසනාව ශ්රවණය කරන්න…!
බුදුරජාණන් වහන්සේ දේශනා කළ දේවදූතයන් පස්දෙනා ගැන සිහිපත් කරමින්, කායික, වාචසික සහ මානසික දුශ්චරිතය මුල් කරගෙන දුක් සහිත අපායේ ඉපදී විඳින අනේක වූ දුක් ගැනත්, ප්රමාදයෙන් මිදී, සුචරිතයේ හැසිරීමෙන් මෙලොව පරලොව සැප ලබන ආකාරයත්, ඒ වගේම මෙම ධර්ම දේශනාව සිදුකළ පොලිස් සේවයේ නියුතු නිලධාරීන් ඇතුලු රාජ්ය සේවකයින් ගුණධර්මවලින් පිරිපුන් වීමෙන් සමාජයට සිදුවන යහපත ගැනත් කියාදෙන මේ ධර්මානුශාසනාව ඔබත් ශ්රවණය කරන්න…!
තමන්ගේ වගකීම් හොඳින් ඉටු කිරීමෙන් තමාටත් සමාජයටත් ඇතිවන යහපත, පරාර්ථකාමී හා සුචරිතවත් ජීවිතයක වැදගත්කම, රාග, ද්වේෂ, මෝහ දුරු කර සිත පිරිසිදු කර ගැනීමෙන් වගකීම් නිසි ලෙස ඉටු කරමින් මෙලොව පරලොව යහපත ඇති කරගැනීමට මඟ කියන මේ ධර්ම දේශනාව ඔබත් ශ්රවණය කරන්න…!
සමාජයේ වැදගත් වගකීම් දරන ඔබ, ලෞකික දැනුමෙන් පමණක් නොනැවතී බුදුරජාණන් වහන්සේ දේශනා කළ චතුරාර්ය සත්ය ධර්මය ඉගෙනගෙන, රාග, ද්වේෂ, මෝහ ආදී කෙළෙස් දුරු කර සිත පිරිසිදු කරගැනීමෙන් ශ්රේෂ්ඨ මනුෂ්යයෙකු වී, තමාටත් සමාජයටත් යහපත සැලසෙන ජීවිතයක් ගත කරමින්, අතීතයේ මුතුන් මිත්තන් මෙන් අනාගත පරපුරටත් ප්රයෝජනවත් වන පරිදි ක්රියා කිරීමට මඟ පෙන්වන මේ ධර්මානුශාසනාව ඔබත් ශ්රවණය කරන්න…!
තමන් කරන රැකියාව, සේවය තුළින් තමන්ට ලැබෙන දේ කෙරෙහි පමණක් සීමා නොවී, අන් අයට යහපත් සේවයක් කිරීමේ අරමුණින්, කරුණාවෙන්, අනුකම්පාවෙන් වැඩ කිරීමෙන් වඩාත් නිර්මාණශීලී සිතකින් බිහිවන ලෝකයේ භෞතික දියුණුවත්, තමන්ගේ ආධ්යාත්මික දියුණුවත් ගැන කියාදෙන (ආරණ්යයට සහ ගමට පැමිණෙන මාර්ගය සකස් කළ අය වෙනුවෙන් සිදුකළ) මේ ධර්මානුශාසනාව ඔබත් ශ්රවණය කරන්න…!
ත්යාගශීලී බව, සීලවන්ත භාවය, මෛත්රිය, කරුණාව, මුදිතාව, උපේක්ෂාව වැනි උතුම් ගුණධර්මයන් වැඩිදියුණු කරගනිමින් තම සේවය තුළින්, තම වෘත්තීය ජීවිතය තුලින් තෘප්තියක් ලබන බුදුරජාණන් වහන්සේගේ ශ්රාවකත්වය ගැන ඉගෙනගන්න මේ ධර්මානුශාසනාව ඔබත් ශ්රවණය කරන්න…!
(ප්රාදේශීය ලේකම් කාර්යාලයේදී සිදුකළ ධර්ම දේශනාව)
රාජ්ය සේවය, රැකියාව සමාජයට මහත් වූ යහපත සදන සත්පුරුෂ ක්රියාවක් බවට පත් කරගැනීමට අතිශයින් උපකාර වන ප්රිය බව, ගෞරවය, එකට වාසය කිරීම, සමගිය, ඒකීයභාවය ආදී ගුණධර්ම ඇතිකරගැනීම පිණිස භාග්යවතුන් වහන්සේ දේශනා කරන සාරාණීය ධර්මයන් එකින් එක තම ජීවිතයට එකතු කරගැනීමට උපකාර සළසන මේ ධර්මානුශාසනාව ඔබත් ශ්රවණය කරන්න…!
ඔබගේ සේවය, රැකියාව සමාජයට මහත් වූ යහපත සදන සත්පුරුෂ ක්රියාවන් බවට පත් කරගැනීම පිණිස, ඇලීම් ගැටීම් දුරු කොට සිත පිරිසිදු කරගැනීමෙන්, භාග්යවතුන් වහන්සේ කියාදුන් සතර සංග්රහ වස්තූන් එකින් එක තම ජීවිතයට එකතු කරගැනීමෙන් කාර්යක්ෂම සේවයක් පිණිස මඟ කියන (ග්රෑන්ඩ් උඩවලව හෝටලයේදී සිදුකළ) මේ ධර්මානුශාසනාව ඔබත් ශ්රවණය කරන්න…!
කොළඹ Wildish අවන්හලේ සමාරම්භක උත්සවය වෙනුවෙන් සිදුකළ සාංඝික දානයෙන් අනතුරුව සිදුකළ ධර්මානුශාසනාව
ඔබත් ශ්රවණය කරන්න…! සාර්ථක ව්යවසායකත්වයක් සතුව තිබිය යුතු ඉතා යහපත් ස්වභාවයන් ගැන සිහිපත් කරදෙන මෙම දේශනාව සමාජ වගකීම් දරන ඔබටත් උපකාර වනු ඇත.
බොහෝ දෙනාට ධර්මය පුරුදු කරන්න අමාරුයි කියලා, බාධාවන් කියලා හිතෙන හේතු ඇත්තෙන්ම ආශිර්වාදයන් බව ධර්මයට අනුව තේරුම්ගනිමින්, සිත පිහිටුවා වැඩිය යුතු සේඛ ධර්මයන් වඩමින්, එකල සිටි ඉසිදත්ත, පුරාණ නම් වඩු කාර්මිකයන් දෙදෙනා මුහුණදුන් සිදුවීම් ද ඇසුරු කරගෙන ධර්මයෙහි සමාදන් කරවන, ධර්මයෙහි උනන්දු කරවන මේ ධර්මානුශාසනාව ඔබත් ශ්රවණය කරන්න…!
කුඩා කල පටන් යහපත් ගුණධර්ම මත පිහිටා උත්සාහයෙන්, කැපකිරීමෙන්, බොහෝ දෙනාගේ ප්රශංසාව ලබන ජීවිතයක් ගොඩනගා ගත් කෙනෙකුට, එයින් නොනැවතී බුදුරජාණන් වහන්සේගේ ධර්මය අසන්ට ලැබීමෙන්, ජීවිතයේ යථා ස්වභාවය–චතුරාර්ය සත්යය ධර්මය දැනගෙන, තම ජීවිතය තුලම අවබෝධ කරගැනීමෙන් උපදින වෙන කිසි දෙයකට සම නොවන උසස් ජීවිතය පිණිස මඟ කියන මේ ධර්මානුශාසනාව ඔබත් ශ්රවණය කරන්න…!
“ගිහි හෝ වේවා පැවිදි හෝ වේවා, මිච්ඡා පටිපදාව මම වර්ණනා කරන්නේ නෑ… ගිහි හෝ වේවා පැවිදි හෝ වේවා, සම්මා පටිපදාව මම වර්ණනා කරනවා…” කියලා බුදුරජාණන් වහන්සේ දේශනා කරනවා. තමාගේ යහපත කැමති, ලෝකයට සැබෑ උපකාර සලසන්ට කැමති ශ්රාවකයා විසින් හොඳින් දැනගෙන, තමාගේ එදිනෙදා කටයුතු තුලදී ම පුරුදු කළයුතු සම්මා පටිපදාව ගැන ඔබත් ඉගෙනගන්න…!
