දඹදිව දී සිදුකළ දේශනා

“බුදුරජාණන් වහන්සේගේ අසිරිමත් ඉර්ධිවිද ඤාණය කෙරෙහි පැහැදීම ඇති කරගනිමු – 1”

භාග්‍යවතුන් වහන්සේ යමක මහා ප්‍රාතිහාර්ය පෑ ගන්ඩබ්බ රුක්ඛ මූල පින්බිමේ ධර්ම දේශනාව…
“බුදුරජාණන් වහන්සේගේ අසිරිමත් ඉර්ධිවිද ඤාණය කෙරෙහි පැහැදීම ඇති කරගනිමු – 2”

“පුණ්‍යවන්ත සිත් ඇති ශ්‍රාවකයින්ගෙන් පිරුණු ශාසනය”

භාග්‍යවතුන් වහන්සේ දීර්ඝ කලක් වැඩ සිටි, අප්‍රමාණ වූ සෝතාපන්න, සකදාගාමී, අනාගාමී, අරහත් ශ්‍රාවකයින් ශාසනයට බිහිවුණු, දීර්ඝ කලක් සම්බුද්ධ ශාසනය දෙවි මිනිසුන්ට හිතසුව පිණිස ආරක්ෂා වෙන පරිදි පිහිටීම පිණිස කරුණු සිදුවූ සැවැත් නුවර ජේතවනාරාමයේ දම්සභා මණ්ඩපය අභියසදී උතුම් සම්බුදු සසුන සිහි කරමින් සිදුකළ ධර්ම දේශනාව.

සිද්ධාර්ථ මහා බෝසතාණන් වහන්සේගේ ගිහි ජීවිතය, සතර පෙරනිමිති දැකීම, මහා අභිනිෂ්ක්‍රමණය, සම්බුද්ධත්වයෙන් පසු කපිලවස්තු පුරයට වැඩමවීම, සුද්ධෝදන රජතුමා ඇතුළු ඥාතීන්ගේ ධර්මාවබෝධය, ශාක්‍ය වංශිකයන්ගේ ඛේදජනක ඉරණම ආදී බොහෝ සිදුවීම් සිහිගැන්වමින් ඉතාම දියුණු සශ්‍රීක ස්වභාවයෙන් පැවති කපිලවස්තු පින්බිමේ අද ඉතිරිව තිබෙන ශේෂයන් දකිමින් සංවේගය උපදවා ගැනීමට උපකාර සලසන මේ ධර්මානුශාසනාව ඔබත් ශ්‍රවණය කරන්න…!

සම්බුද්ධත්වය පිණිස මහා කරුණාවෙන් මනුලොවට වැඩම කළ මහා බෝසතාණන් වහන්සේගේ උත්පත්තිය සිදු වූ ලුම්බිණි සල් උයනේ දී, බෝසත් උපත හා බැඳුණු ආශ්චර්‍යමත් අද්භූත සිදුවීම්, මහමායා දේවියගේ උතුම් ගුණ සිහිපත් කරමින් ශ්‍රද්ධාව, සංවේගය ආදී ගුණධර්මයන් උපදවා දුර්ලභව ලැබුණු මිනිස් ජීවිතය අර්ථවත්ව ගත කිරීමට මඟ පෙන්වන මේ ධර්මානුශාසනාව ඔබත් ශ්‍රවණය කරන්න…!

කුසිනාරා නුවර මල්ල රජදරුවන්ගේ උපවර්තන සල් උයනේ දී, ගෞතම සම්මා සම්බුදුරජාණන් වහන්සේගේ පරිනිර්වාණය සිදු වූ ස්ථානයේ දී, පරිනිර්වාණයට පෙර සිදු වූ දීර්ඝ ගමනේ නොයෙකුත් සිදුවීම් සහිතව මහා පරිනිර්වාණය දක්වා විස්තර කරමින්, අවසන් බුද්ධ වචනය සිහිකොට ධම්මානුධම්ම ප්‍රතිපදාවේ යෙදෙමින් තථාගතයන් වහන්සේට කරන සැබෑම පූජාව සිදුකිරීම පිණිස උනන්දු කරවන මේ ධර්මානුශාසනාව ඔබත් ශ්‍රවණය කරන්න…!

උතුම් ශ්‍රී සම්බුද්ධ සිරුර ආදාහනය කළ කුසිනාරාවේ මකුටබන්ධන චෛත්‍ය අභියස දී, එම සිදුවීම හා බැඳුණු අසිරිමත් කරුණු, උතුම් සර්වඥ ධාතූන් වහන්සේලා බෙදී ගිය, ඒවා සුරක්ෂිත වූ ආකාරය සිහි කරමින්, ධාතු වන්දනාව තුළින් ශ්‍රද්ධාදී ගුණධර්මයන් වඩවා ගන්නා අතර ම, බුදුරජාණන් වහන්සේ දේශනා කළ පරිදි ධර්මයෙහි හැසිරීම නම් වූ සැබෑ පූජාවට ජීවිතය යොමු කරගැනීම පිළිබඳව උත්සාහවත් කරවන මේ ධර්මානුශාසනාව ඔබත් ශ්‍රවණය කරන්න…!

කේසපුත්ත ග්‍රාමය නම් වූ, කාලාම වැසියන් වාසය කළ, මෙකල කේසාරියා ස්ථූපය සුපිහිටි ප්‍රදේශයේ දී, බෝසතාණන් වහන්සේ ආලාර කාලාමයන් සම්මුඛයෙහි ප්‍රගුණ කළ ආකිඤ්චඤ්ඤායතන සමාධිය ආදී පරිපූර්ණ විමුක්තියට මෙහා ප්‍රතිලාභ වලින් සෑහීමකට පත් නොවී දුක්ඛාර්ය සත්‍යය පරිපූර්ණ වශයෙන් අවබෝධ වන තෙක් ම වීරිය කිරීම අග්‍ර වූ ආදර්ශයක් කොටගෙන, තමාගේ ශ්‍රාවකත්වයත් පරිපූර්ණ විමුක්තිය දක්වා දියුණු කරගැනීමට ඡන්දය උපදවන මේ කෙටි ධර්මානුශාසනාව ඔබත් ශ්‍රවණය කරන්න…!

විශාලා මහනුවර කූටාගාර ශාලා පුණ්‍ය භූමියේ දී, රතන සූත්‍ර දේශනාවෙන් තුන්බිය දුරු කිරීම, සච්චක සහ සීහ සේනාපති දමනය, මහා ප්‍රජාපතී ගෝතමිය ප්‍රමුඛ කාන්තාවන්ට පැවිද්ද ලබා දීම, භාග්‍යවතුන් වහන්සේගේ පිරිනිවීම ගැන සංඝයාට දැනුම් දීම ආදී ශාසන ඉතිහාසයේ සුවිශේෂ සිදුවීම් සිහිපත් කරමින් සිදුකළ මේ ධර්මානුශාසනාව ඔබත් ශ්‍රවණය කරන්න…!

වේළුවනාරාම පුණ්‍ය භූමියේ දී, බිම්බිසාර රජුගේ පැහැදීමෙන් සිදු වූ බුදු සසුනේ ප්‍රථම ආරාම පූජාව, උපතිස්ස කෝලිත මිත්‍රයින් දෙදෙනාගේ පැවිදි වීම සහ අග්‍ර ශ්‍රාවකත්වය ලැබීම, ප්‍රථම සංඝ සන්නිපාතය, දේවදත්තගේ කතා පුවතට අදාළ සිදුවීම් ආදිය සිහිපත් කරමින්, භෞතික නටඹුන් වලට වඩා එම ස්ථානයේ ශාසනික වැදගත්කම හා ගුණය සිහිපත් කරමින් ශ්‍රද්ධාව උපදවා ගැනීමේ වැදගත්කම අවධාරණය කරන මේ ධර්මානුශාසනාව ඔබත් ශ්‍රවණය කරන්න…!

ගිජ්ඣකූට පර්වතයේ භාග්‍යවතුන් වහන්සේගේ සුගන්ධ කුටිය අභියස දී, රජගහ නුවර ආශ්‍රිතව සම්බුද්ධ සාසනය තුල සිදුවූ නොයෙකුත් සිදුවීම් සිහිපත් කරගනිමින්, බුද්ධ වචනය බැහැර නොකර පිළිගනිමින්, පෙර තිබුණාට වඩා ජීවිතය උසස් තැනකට පත් කරගැනීමේ ප්‍රණීත ප්‍රාර්ථනා ඇති කරගැනීම ගැනත් පෙන්වා දෙන මේ ධර්මානුශාසනාව ඔබත් ශ්‍රවණය කරන්න…!

බුද්ධගයාවේ වජිරාසන පින්බිමේ දී, මහා කරුණාවෙන් ලෝ සතුන්ගේ හිත සුව පිණිස මහා බෝසතාණන් වහන්සේගේ සම්බුද්ධත්වයට පත්වීම සිහිපත් කරමින්, බුද්ධ වචනය කෙරෙහි අචල ශ්‍රද්ධාවෙන් තිසරණයේ පිහිටා, යහපත් ප්‍රාර්ථනා ඇතිකරගනිමින් සසර දුකින් එතෙර වීමට වීර්‍ය්‍ය කිරීම පිණිස උත්සාහවත් කරවන මේ ධර්මානුශාසනාව ඔබත් ශ්‍රවණය කරන්න!