ලෝකයට උපකාර සහිත කෙනෙක් වෙමු
අපි භාග්‍යවතුන් වහන්සේගෙන් යම් දෙයක් ලැබුනා නම්, ඒක නසන්නේ නැතිව අන් අයටත් ලැබෙන විදියට අපේ ජීවිතේ හැඩ ගහගන්ට ඕන. පවට ලැජ්ජාව නැති කමත්, පවට භය නැති කමත් අපේ ජීවිතෙන් බැහැර කරගත්තොත් අපි අපිටත් යහපත කරගන්නවා. අන් අයටත් යහපත කරලා දෙන්ට පුළුවන්කම තියෙනවා.
අප‍්‍රමාදීව සතර අපායෙන් නිදහස් වෙමු
සිත පාලනය කරගන්ට තියෙන්නේ උපක‍්‍රමයෙන්. යමෙක් ‘තමන්ගේ ජීවිතය තාවකාලිකයි’ කියලා තේරුම් ගත්තොත් ඔහුට සිත පාලනය කරගන්ට පුළුවන්. පුංචි කාලයකට මිනිස් ලෝකයට ආපු අපි අතින්, පොඩි ආශ්වාදයකට යටවෙලා නරක දේ කෙරුණොත් විශාල කාලයක් දුක් විඳින්ට වෙනවා.
සතර අපායෙන් නිදහස් කරවන තියුණු කැමැත්ත
සතර අපාය ගැන හොඳින් තේරෙනවා නම්, ඒ කෙනාගේ ස්වභාවය මොකක්ද? සතර අපායෙන් නිදහස් වීම පිණිස තියුණු කැමැත්තක්, අත්නොහරින වීර්යයක්, ඒ ලෝක වලින් නිදහස් වෙන තාක් අත්නොහරින වීර්යයක් එයා තුල තිබිය යුතුයි.
ගිනි නිවා සිසිල් වෙමු
රාගය ගින්නක් කියලා තේරෙන්නේ නැති කෙනා, රාගය සැපක් කියලා හිතනවා. ද්වේෂය ගින්නක් කියලා තේරෙන්නේ නැති කෙනා, ද්වේෂය සැපක් කියලා හිතනවා. මෝහය ගින්නක් කියලා තේරෙන්නේ නැති කෙනා, මෝහය සැපක් කියලා හිතනවා. ඒ නිසා හොඳට බලන්න තමන් මේ කෙළෙස් නිසා මොන තරම් දුක් වින්ඳා ද කියලා.
ජරා-මරණ දුකින් අත්මිදෙමු
මේ ජරා-මරණ අවබෝධ කරගැනීම පිණිස, මේකට හේතුව මොකක්ද කියලා දැනගැනීම පිණිස, මේ ජරා-මරණ නැති කරගැනීම පිණිස, ඒ ජරා-මරණ නැති කරගැනීමට උවමනා ප‍්‍රතිපදාව දැනගැනීම පිණිස තමයි අපි භාග්‍යවතුන් වහන්සේව සරණ යා යුත්තේ. ඇයි මේ ජරා-මරණ ගැන වැටහීමක් ඇති කරගත යුත්තේ?
