Why Understanding the Four Noble Truths Matters
Understanding the Four Noble Truths is vital for escaping suffering and samsāra. The Buddha taught that without this comprehension, beings are mostly reborn in suffering realms. A deep grasp of these truths ultimately leads to Nibbāna.
පිළිවෙලින් වැඩිය යුතු මාර්ගය – 3
ඔබ භාග්‍යවතුන් වහන්සේගේ ශ‍්‍රාවකත්වයට පත්වෙන්ට කැමතියි නම් මේ විදියට ධර්මය පුරුදු පුහුණු කළ යුතුයි. එවිට ශාස්තෘන් වහන්සේ මෛත‍්‍රී ප‍්‍රතිපත්තියෙන් යුක්තව ඇසුරු කරන්ට ලැබෙනවා. වෛරී ප‍්‍රතිපත්තිය බැහැර කර දමන්ට පුළුවන්කම ලැබෙනවා. ඒ අයට ශාස්තෘන් වහන්සේ ගෞරවයෙන් ඇසුරු කරන්ට දුර්ලභ අවස්ථාව ලැබෙනවා.
පිළිවෙලින් වැඩිය යුතු මාර්ගය – 2
මේ සසර කෙරෙහි කළකිරීම ඇති කරවන්නා වූ විරාගය පිණිස පවතින්නා වූ කෙළෙස් සංසිඳීම පිණිස පවතින්නා වූ ඇල්ම නිරුද්ධ කිරීම පිණිස පවතින්නා වූ නිවන පිණිස සිත මේරීම පිණිස පවතින්නා වූ යම් දස කතාවක් ඇද්ද, ඒ දස කතාව අසා දැනගැනීම පිණිසයි තථාගතයන් වහන්සේව ලුහුබැඳිය යුත්තේ කියලා භාග්‍යවතුන් වහන්සේ ම අපට කියා දෙනවා.
පිළිවෙලින් වැඩිය යුතු මාර්ගය – 1
මේ ලෝකයේ උපන් මනුශ්‍යයෙක් ඉන්නවා. ඒ මනුශ්‍යයා, සාමාන්‍ය ජීවිතය ගතකරගෙන ඉන්න අතර එයාට අහන්ට ලැබෙනවා තථාගතයන් වහන්සේ විසින් වදාළ ආර්ය සත්‍යය. භාග්‍යවතුන් වහන්සේගේ පරම ගම්භීර අවබෝධයන් ගැන කියා දෙන ධර්මයන් අහන්ට ලැබෙනවා. ඔහුගේ සිතේ ඒ ධර්මය ගැන පැහැදීමක් ඇතිවෙනවා.
ශ‍්‍රද්ධාවෙන් පටන්ගනිමු
දුක ගැන වැටහීමක් තියෙන කෙනා තුල ශ‍්‍රද්ධාව ඉපදෙනවා. ශ‍්‍රද්ධාව ඉපදුන කෙනා තුල ඒ දුකෙන් නිදහස් වීමට කැමැත්ත ඉපදෙනවා. එතකොට තමන්ගේ ජීවිතේට නැඹුරු වූ සිතෙන් ඉන්නේ. ඔහුට බඩගින්න පිපාසය වේවා, ලෙඩ දුක් වේවා, මේවා ඔක්කොම දුකට අයිති ධර්මයන් කියලා තේරෙන කලක් එනවා.
අප‍්‍රමාදී බව උපදවන ඉන්ද්‍රිය සංවරය
ඇස සංවරව වාසය කරන කෙනාට, ප‍්‍රිය මනාප රූප දැකලා ඒ නිමිති මතක තියාගෙන ඒවා සිහි කිරිමක් සිද්ධ වෙන්නේ නෑ. ඒ නිසාම සිත කෙළෙස් වලින් තෙත් වෙන්නේ නෑ. එයාට ප‍්‍රමුදිතභාවය උපදිනවා.
නිවන ගැන කැමැත්තක් ඇති කරගනිමු
බුදුරජාණන් වහන්සේගේ ශාසනය තුල පෙන්වා දෙන උසස් ම ප‍්‍රතිලාභය, උසස් ම පිළිසරණ ලබන්ට, විශාල පරිත්‍යාගයක්, විශාල කැපකිරීමක් කරන්ට වෙනවා. සාමාන්‍ය ලෝකයේ තිබෙන භෞතික දේවල් වලින් වුණත් යම් කැපකිරීමක් නැතිව ප‍්‍රතිලාභ ලබන්ට බෑ. බුදුරජාණන් වහන්සේ පෙන්වා දෙන ප‍්‍රතිලාභයන්, සාමාන්‍ය මනුෂ්‍යයා අත් කරගන්න ලෞකික ප‍්‍රතිලාභයන්ට වඩා වටිනාකමෙන් අග‍්‍රයි. සම කරන්ට බෑ.
බුදුසසුනෙන් බැහැර නොවෙමු
මේ ධර්මයන් හතර අප තුල නැත්නම්, මේ ධර්මයන් හතර උපදවාගෙන මේ ධර්මයන් එක්ක වාසය නොකළොත් ශාසනයෙන් බැහැර වෙනවා. ඒ තමයි මුලික ස්වභාවය. ඊලඟ දේ තමයි, මේ ධර්මයන් හතරේ ස්වභාවය මහා සාගරය වගේ. එකපාරට ගැඹුරක් එන්නේ නෑ. සරලව පටන්ගෙන, ක‍්‍රම ක‍්‍රමයෙන් ගැඹුර කරා යන ස්වභාවයක් තමයි මේ ධර්මයන්ගේ තිබෙන්නේ.
බුදුවරුන්ගේ පහළවීම සැපයක් ම යි!
ලෝකයේ යම් දුකක් තියෙනවා නම්, ඒ සියලු දුක් ක්‍ෂය වෙලා නිවන අවබෝධ කළ අය, ඉතා ම ශාන්ත වූ ප‍්‍රණීත වූ නිවනේ සැපය අත්දකිනවා. ඒ තමයි බුදුරජාණන් වහන්සේ නමක් ලෝකයට පහළ වීමෙන් ලබන්ට පුළුවන් පරම සුඛය. සියලු දුක් ක්‍ෂය වෙලා, නිවන අවබෝධ කිරීමෙන් ලැබෙන ශාන්ත, ප‍්‍රණීත බව, බුදුවරයෙකුගේ පහළ වීමෙන් ලෝකයට බිහිවන පරම සැපයයි.
ආර්ය සත්‍යය සිහි කරමු
පාපී අකුසල සිතුවිලි හිත හිත ඉඳීම අර්ථ සහිත නෑ. පිරිසිදු ජීවිතයක් උපදවන්ට උදව් වෙන්නේ නෑ. නිබ්බිදාව ඇති කරවන්නේ නෑ. රාගය සංසිඳුවන්නේ නෑ. ඇල්ම දුරු වෙන්නේ නෑ. ඇල්ම නිරුද්ධ වෙන්නේ නෑ. සිත සංසිඳෙන්නේ නෑ. විශේෂ ඤාණය උපදවන්නේ නෑ. ආර්ය සත්‍ය අවබෝධය ඇති කරවන්නේ නෑ. නිවන අවබෝධ කරන්ට උදව් වෙන්නේ නෑ.
